Prinselik Trio

 

 

Zaoterdaag 12 jannewarie, naor dizze datum haet ós nieje trio toegelaef. In Velde waore ze al waeke aan ‘t gisse en tippe, wae wördt de nieje Prins??

De Wuilus is dán ok trots um te melde dát in unne volle BMV De Vilgaard in Velde, nao de spectaculaire Prinse act, Lowie Verbeek is oetgeraope ás Prins Lowie d’n Ièrste de 69e Prins ván Gekke Maondaag vereineging De Wuilus oet Velde. Ás adjudante waorte Sil Geurts en Stan Janssen aan ‘t Veldes publiek geprissenteert.

Nao ‘t oetkómme braok ‘t fieës hielemaol los ónder leiding ván Linke Mik.

Prins Lowie is 21 jaor, Lowie duit mindervalide helpe en begeleide en beejbeune beej femiliebedrief Bio Verbeek. Zien hobby’s zien voetballe, stappe en organiseren van allerlei aktiviteite veur IVO. Adjuant Sil is 22 jaor en studeert Sport en Bewaege aan ’t ROC en is werkzaam beej Hanos. Zien hobby’s zien voetballe en zinge. Adjudant Stan is 24 jaor en is werkzaam als regiobeheerder beej ‘t Waterschap Limburg. Zien hobby’s zien voetballe en visse.

Volges de Wuilus tradisie is de Prins unne echte Veldenaer. Tradisie getrouw naet getrouwd, hae woeënt nog thoes en is nog gen dertig jaor. Prins Lowie en zien adjudante Sil en Stan halde op zaoterdaag 19 jannewarie 2019 vánaaf 19.30 oor, resepsie in eur residensie Kefee de Sport, Markt 7 in Velde