Op maondaag 27 jannewarie 2025 is ’t wir Gekke Maondaag! De daag waor weej mit zien allen ongeluifelik naor oétkieke.

Vánaaf zaoterdaag 25 jannewarie wies Brokke Dinsdaag steit Velde veer daag lang in ’t teike ván ’t moeijste fieës ván ’t jaor. En we viere ok dit jaor wir Gekke Maondaag in de tent! Bekiek heej de programmering in de foto links.

Nag wát praktische zake op ’n rieke:

• D’n dresscode is veer daag lang verkleid.
• De tent sloet alle daag um 00:00. Op zaoterdaag meuge we ’n eurke langer daor, wies 01:00.
• Alle daag vreej entree!
• Dit jaor wördt d’r gebroek gemák ván ’n statiegeldsysteem mit hardcups. De betaals 0,5 munt (beej ’n pitcher 1 munt). Beej dien volgende drankje laever se dien baeker in vur enne nieje en betaal se allein vur dien drenkske. As se oetgefieës bis, dán laever se de baeker in beej de bar vur recycling. De kries gen geld truuk.

Zóndaag

De zóndaag is gevuld mit prachtige aktiviteite. Zoeë starte we um 11:00 mit de Wuilusmis in de St. Andreaskerk, dae muzikaal wördt opgeluusterd daor de Ravenvennerkapel en ’t Wuiluskoeër. ’t Thema is ‘D’r is mier tusse haemel en aerd’. Naem ’t winskaertje mei wát daes waek in ’t Klökske steit of vul ’t in beej binnekóms in de kerk!

Daonao is de Koffietaofel. Kaarte á € 12,00 (volwassene) en € 8,00 (kienger) zien te koup beej De Vilgaard of Het Wapen van Velden.

FemilieMiddaag

Dinsdaag beginne we um 15:00 aor mit ózze nieje FemilieMiddaag vur jonk en ald. Mit o.a. optrejes ván ós gardes, de liedjes en Joekskepel Noeijt Thoes is ’t ein moeie start ván de Brokke Dinsdaag. Aansloetend is um 17:00 aor de priesoetreiking ván d’n optoch.

Optoch

Dit jaor trekt de optoch wát ierder ás normaal, namelik um 13:11! De optochroute zal via de socials gedeild waere. Wilt geej óg opgaeve vur ózze Optoch, gank dán flot naor daeze pagina.